Comezamos unha nova etapa: Benvidas á nova web de NÓS MESMAS
En NÓS MESMAS estamos de mudanza.
A partir de agora, a nosa web será o espazo principal desde o que compartir novas, actividades e contidos da asociación.
Durante moitos anos, o blog de Blogger de NÓS MESMAS foi unha ferramenta fundamental para comunicar, informar e deixar constancia do traballo realizado. Ese espazo acompañounos en moitas etapas, serviu para dar voz ás nosas accións e foi testemuña do camiño percorrido como asociación. Por iso, non desaparece: o blog antigo seguirá dispoñible como arquivo de consulta das publicacións anteriores.
🔗 Pódese seguir visitando aquí:
A partir de agora, con todo, abrimos unha nova etapa.
Un novo espazo para seguir avanzando
Co lanzamento da nova web damos un paso adiante na nosa presenza dixital. Este novo espazo nace coa vontade de:
|
✓
|
Mellorar a accesibilidade á información. |
|
✓
|
Organizar mellor os contidos. |
|
✓
|
Facilitar a consulta das actividades. |
|
✓
|
Seguir sendo un punto de encontro para persoas LGTBI+, familias, profesionais e entidades. |
Queremos que a web sexa unha ferramenta viva, útil e clara, que acompañe o traballo que facemos no día a día e que reflicta os valores da asociación: diversidade, coidado, compromiso e comunidade.
O blog: un lugar para compartir
Desde agora, as novas publicacións aparecerán directamente nesta web, neste apartado de ACTIVIDADES. Aquí iremos compartindo:
|
✓
|
Novas da asociación e información sobre programas e accións. |
|
✓
|
Reflexións e materiais de interese. |
|
✓
|
E todo aquilo que consideremos relevante para a comunidade. |
O antigo blog queda como memoria e arquivo.
A nova web convértese no presente e no futuro.
Seguimos, como sempre, ao pé, adaptándonos, mellorando e avanzando para continuar estando onde fai falta.
Grazas por acompañarnos tamén nesta nova etapa.
Seguimos 💜
