¡Fóra armarios, a pista é nosa! Únete ao I Torneo de Pádel e Xantar pola Visibilidade Lésbica

Con motivo do Día da Visibilidade Lésbica (que celebramos o 26 de abril), dende a Asociación Nós Mesmas estamos a organizar unha xornada moi especial para facer rede, visibilizarnos e, sobre todo, pasar un día de moita diversión e comunidade.

O vindeiro sábado 18 de abril, Vigo converterase no escenario do noso I Torneo de Pádel Inclusivo e Participativo, seguido dun xantar de irmandade. Non importa se es unha experta coa raqueta ou se nunca colleras unha: aquí o pádel é só a escusa para estarmos xuntas!

🎾 O Torneo: Deporte, Risas e Visibilidade

Este non é un torneo competitivo profesional. O noso obxectivo é crear un espazo seguro e divertido para a comunidade LGTBIQ+ e persoas aliadas.

O que debes saber:

• A «Regra de Ouro»: En cada parella, polo menos unha das persoas debe ser lesbiana.

• Niveis para todas: Organizaremos os partidos por niveis (iniciación, medio e avanzado). Se cres que «non sabes xogar», non te preocupes! Haberá moita xente aprendendo e o ambiente será totalmente relaxado.

• ¿Non tes parella? Anótate igual! Xa temos a varias persoas inscritas de forma individual e dende a organización encargarémonos de buscarche a compañeira ideal.

• Categorías:   

  • Adultas: Parellas de amigas, sentimentais ou aliadas.

  • Familiar: Unha persoa adulta (nai, tía, irmá…) xogando cunha menor (ata 17 anos).

• Formato: Partidos dinámicos de 1 set a 4 xogos (uns 20-25 minutos) para que todas poidamos xogar o máximo posible.

          ⚠️ Importante: Somos 10 parellas confirmadas, así que non o deixes para o último momento! Apúntate!!!  Cobre este formulario de Google

🍽️ O Xantar: Moito máis que deporte

Sabemos que o mellor de calquera evento é o momento de compartir mesa. Por iso, ao rematar os partidos, xantaremos todas xuntas.

Non queres xogar ao pádel? Non hai problema! Podes vir directamente ao xantar para socializar, charlar e facer comunidade nun ambiente distendido. O importante é que esteamos todas.

⚠️ Importante: Precisamos pechar a reserva canto antes. Actualmente xa somos 19 persoas confirmadas para a comida, así que non o deixes para o último momento!

 

📝 Datos prácticos e Inscrición