ASOCIACIÓN NÓS MESMAS

Pola loita das mulleres lesbianas, bisexuais, persoas trans e non binarias

obxectivo

O obxectivo da Asociación Nós Mesmas é mellorar as condicións de vida das persoas LGTBI+ e, especialmente, das mulleres lesbianas, bisexuais e persoas trans en situación de vulnerabilidade.

Traballamos polo seu empoderamento social e político mediante a sensibilización, a denuncia, a acción educativa e a visibilidade, co fin de ser unha ferramenta efectiva para xerar un cambio positivo no colectivo.

Algúns dos nosos servizos

ÚLTIMAS PUBLICACIÓNS

  • Entre xaneiro e xullo de 2026, 46 persoas LGTBI+ en situación de risco social ou senfogarismo en Vigo recibiron apoio a través do Programa de Atención Integral e Diversidade de Nós Mesmas. A intervención combinou o acompañamento social, a orientación sociolaboral e a atención psicolóxica para facilitar o acceso a dereitos e recursos, previr a exclusión residencial e reforzar a autonomía persoal.

  • Tras a presentación inicial dos resultados, xa está dispoñible para a súa consulta e descarga o informe completo da investigación "As vivencias nas Relacións entre mulleres". Este documento nace da preocupación por visibilizar unha realidade que a miúdo permanece oculta.

  • Nace REDE ProfesionaL*, a primeira comunidade en Galicia deseñada para conectar, compartir coñecementos e crear oportunidades para mulleres lesbianas, bisexuais, trans e persoas non binarias. Descobre as nosas liñas de acción e únete ao proxecto!

  • Chega o Orgullo a Vigo! Presentámosche catro citas imprescindibles do 14 ao 21 de xuño: Día en familia no Monte Vixiador, coloquio sobre saúde NB, teatro playback en A Morada e a clásica pedalada con vermú transmaricabibollo. Descobre todas as datas e únete á celebración.

ÚNETE Á CAUSA

En Nós Mesmas precisamos do apoio de persoas comprometidas coa igualdade e a diversidade. Cada xesto suma: xa sexa ofrecendo o teu tempo como activista, como voluntaria ou colaborando cunha doazón, axúdasnos a manter vivos os nosos programas e actividades.